हिंसेचा मार्ग सोडून केले होते आत्मसमर्पण.. नवजीवनाची सुरवात केल्याने ‘सम्मी’- ‘अर्जुन’ला आज पुत्ररत्न

गडचिरोली : घनदाट जंगलातील हिंसेचा रक्तरंजित मार्ग मागे टाकून शांततेच्या प्रवाहात दाखल झालेल्या माओवादी दाम्पत्याच्या आयुष्यात २१ नोव्हेंबर रोजी नवा पाहुणा दाखल झाला. आत्मसमर्पण करून नवजीवनाची सुरुवात केलेल्या अर्जुन ऊर्फ सागर हिचामी आणि त्याची पत्नी सम्मी ऊर्फ बंडी मट्टामी यांना जिल्हा महिला रुग्णालयात पुत्ररत्न प्राप्त झाले.

मुख्यमंत्री देवेंद्र फडणवीस यांच्या उपस्थितीत १ जानेवारी २०२५ रोजी  या दाम्पत्याने १२ माओवादी सदस्यांसह आत्मसमर्पण केले होते. डीव्हीसीएम व एसीएम स्तरावर कार्यरत असलेल्या या दोघांना दलममध्ये असताना कौटुंबीक जीवन जगणेही अशक्य होते,पण आत्मसमर्पणानंतर गडचिरोली पोलिस दलाच्या  ‘प्रोजेक्ट संजीवनी’मुळे त्यांच्या आयुष्यात सकारात्मक बदलांची नवी वाट खुली झाली.